கொஞ்சூண்டு கொடு...

ஓயாமல் 

உன்னை பற்றி 

பேசிகொண்டே இருக்கும் 

என் வாயாடி மனம்...

ஓயாமல் 

நீ சரி செய்தும் 

எட்டி பார்க்கும் 

உன் "பேரழகுகள்" மட்டுமே 

என் வாயடைக்கும்..!!

**********************************

கஞ்சத்தனத்துக்கு இன்னொரு பெயர் 

நீ..

கைபேசியில் பேசும் 

ஓரிரு நிமிடங்களை போலத்தான்...

கனவிலும் வந்துவிட்டு 

ஓடி போகிறாய்..!! 

*************************************

கடவுள் எத்தனை கருணையானவர்...?

உனக்கு இத்தனை 

அழகுகளை 

அள்ளி தந்திருக்கிறார்..!!

நீயும்கூட 

ஓர் தேவதைதானே தானே..?

எனக்கு 

காதலை அள்ளி தராவிட்டாலும்...

கொஞ்சூண்டு கொடுக்கலாமே 

நீ..!! 

*************************************

என் கவிதைகளை படிக்கும் 

நண்பர்கள்,

உன்னை பற்றி விசாரிக்கிறார்கள்...

உன் சம்மதத்திற்காக காத்திருக்கும் 

என்னைபோல 

அவர்களையும் காத்திருக்க 

சொல்லி விட்டேன்..!!