கைகுலுக்கும் தோழி...

காதலியை பார்க்க போகும் முன்
கைபிடித்து நகம் வெட்டிவிட்டு
புன்முறுவல் செய்வாள்
தோழி...?!
**********************************
தோழி...
தங்கைக்கும்...
காதலிக்கும்...
இடைப்பட்டவள்...!!
தோழி...
நெருக்கத்துக்கும்..
தூரத்துக்கும்..
இடைப்பட்டவள்...?!
**********************************
தோழியை கண்டதும்...
நெருக்கமாய் அமர்வாள் காதலி...!?
காதலியை கண்டதும்....
புன்னகைத்து விலகி நடப்பாள் தோழி..!
**********************************
பிறந்தநாள் வாழ்த்து...
தொலைபேசியில் சொல்வாள் காதலி..!
கை குலுக்கி சொல்வாள்
என் அம்மாவோடு சேர்ந்து தோழி..?!
**********************************
என் காதலுக்காக அவள் வாதிடுவாள்
என் சாதியோடு...?!
அவள் காதலுக்காக நான் வாதிடுவேன்
அவள் அப்பாவோடு..?!
**********************************
வெளியூர் வேலைக்கு செல்லும்போது..
அம்மா...
சோறு கொடுத்து அனுப்புவாள்...
அப்பா..
செலவுக்கு கொடுத்து அனுப்புவார்...
காதலி..
முத்தம் கொடுத்து அனுப்புவாள்..
தோழிதான்...
நம்பிக்கை கொடுத்து அனுப்புவாள்..?!

கை பேசியா..? காதல் பேசியா..?!

நீ பேசி வைத்த பின்னும்
என்னோடு பேசிக்கொண்டிருந்தது யார்...?
துரத்தும் உன் ஞாபக
தூறலோ..?
**********************************
கைபேசி திரையில்
உன்
எண் ஒளிர்ந்ததும்....
இளையராஜாவின்
இன்னிசை ஒலிக்கிறது
இந்த உயிருக்குள்...?!
**********************************
உனக்கு
குறுஞ்செய்தி அனுப்புவது
குறைந்துபோன காரணம் இதுதான்...
உனக்கு அனுப்பும்
குறுஞ்செய்திகள் அதிகரிக்க அதிகரிக்க...
என் உயிர் இளைத்துகொண்டே வருகிறது...?!
***********************************
உனக்கு எத்தனை செல்ல பெயரிட்டு
மாற்றி பதிவு செய்து வைத்தாலும்...
கண்டு பிடித்து விடுகிறாள்
என் குறும்புக்கார தங்கை...?!
********************************
இரவில் போர்வைக்குள் இருந்து
நீ அனுப்பும்
குறுஞ்செய்திகளின் பிரிய நிறத்தை..
பகலில் படிப்பவர்களால்
புரிந்துகொள்ள முடியாது...?!
********************************
தொடர்ந்து 

அழைப்பு விட்டும்
எடுக்காத நேரங்களில்...
"பூ கட்டி கொண்டு இருப்பேன்" 

என்றாய்..?!

தொடர்ந்து 

ஒரு வார அழைப்பு விட்டும்
எடுக்காமல்...
கடைசியில் யாருடனோ
தாலி கட்டிக்கொண்டு 

வந்தது ஏன்..?

எனக்கு முத்தம் என்பது ......

நீ
எனக்கு
கொடுக்கும் நேரமோ...
சிறு 

பாக்கு கடிக்கும் நேரம்...?!

அதில் 

உன்
வெட்க உடன் பிறப்பை
சமாதான படுத்தவே
நேரம் சரியாக இருக்கும்போது...
எனக்கு முத்தம்
என்பது
"ஈழ தமிழன் கனவு" போலவே...?!

காதலும் குறுஞ்செய்தியும்....

உன் கைபேசி முழுவதும்
நிரம்பி வழியும்
என் குறுஞ்செய்தி போல....
என் நினைவு முழுவதும்
நீதானடி
நிரம்பி வழிகிறாய்...?!
**********************************
உனக்கு தினமும்
நான் நூறு குறுஞ்செய்தி அனுப்புவது
ஒரு சாதனையே அல்ல...
ஆனால் அதில் நீ ஒன்றுக்கு கூட
பதில் அனுப்பாமல்
மௌனம் சாதிப்பாயே...
அதுதான் பெரிய சாதனை..?!
****************************************
நானோ...
உனக்கு குறுஞ்செய்தி அனுப்பும்
இடைவெளியில்
கொஞ்சம் வேலை செய்வேன்..
நீயோ...
உன் வேலைகளுக்கு இடையே
என் குறுஞ்செய்திகளை படித்துகூட
பார்க்காமல் மொத்தமாய்
அழிப்பாய்..?!
******************************************
ஒரு "குறுஞ்செய்தி" வராதா..?
ஒரு "மிஸ்டு கால்" வராதா...?
மறந்து ஒரு "அழைப்பேனும்" வராதா..?
என்று "டிரை பாட்டரி" போல
உயிர் நொந்து
உன்னை தொடர்பு கொண்டால்...
இப்படி சொல்லும்....
"நீங்கள்
தொடர்பு கொள்ளும் வாடிக்கையாளர்
தொடர்பு எல்லைக்கு
வெளியே உள்ளார்..?"
என்று.
************************************************
தினம்
உன் ரோஜா வளர்க்க
நீர் ஊற்றுவாய் மறக்காமல்...?!
தினம்
என் உயிர் வளர
ஒரு "குறுஞ்செய்தி" அனுப்புவாயா தோழி
மறக்காமல்..?
*************************************************
இப்படி
எந்நேரமும் உன்னுடனே வைத்திருப்பாய்
என்று தெரிந்திருந்தால்
உன் கைபேசியாக பிறந்திருப்பேன்...,
இதயத்தோடு பிறந்து
என்ன பயன்..?

முத்த வகை....?!

அம்மாவின்  முத்தம் 
அன்பு சொல்லும்...?!
அப்பாவின் முத்தம் 
அனுபவம் பேசும்...?!
பாட்டியின் முத்தம் 
பழங்கதை சொல்லும்..?!
நண்பனின் முத்தம் 
நலம் விசாரிக்கும்...?!
காதலியின் முத்தம் 
காலம் கிறங்கடிக்கும்..?!