காதலும் கைபேசியும்..

எப்போதும் 

என் குறுஞ்செய்திகளின் குலதெய்வம் 

நீதானடி..

அனுப்பிய அனைத்தும் ஒன்றுகூடி 

உனக்காக "தேர்" இழுத்தாலும் 

ஆச்சர்யமில்லை..!! 

********************************************

"இனிய இரவு" என்று தினமும் 

குறும்செய்தி அனுப்புகிறாய் அப்பாவி போல...

இனியவள் நீயில்லாத 

இரவு எப்படி 

"இனிய இரவாக" முடியும்..?

*******************************************

ரகசியம் இதுதான்...

என் கைபேசிக்கு 

எஸ்.எம்.எஸ் பூஸ்டர்....  

என் கைபேசியில் இருக்கும் 

உன் புகைப்படம் மட்டுமே 

என் பூஸ்டர்...!!

******************************************

நீ...

என் கைபேசி 

எண்ணைகூட அழித்து விட்டாய்...!!

உன் "போடா" என்ற 

ஒரு வார்த்தை "எஸ்.எம்.எஸ்"கூட 

அப்படியே இருக்கிறது 

கைபேசியை அழகாக்கி...

கண்ணில் ஈரமாக்கி...!!

*******************************************

அழகி...

நீயும் என் காதலுக்கு 

சைலன்ட் மோடு...!!

அதிரும்...

உன் கைபேசியும் 

என் குறுஞ்செய்திக்கு 

சைலன்ட் மோடு..!!

******************************************

திரும்பி பார்க்க வைக்கும் அழகு நீ..

யாரையும் திரும்பி பார்க்க வைக்கும்
அழகு நீ..
யாரையும் திரும்பி பார்க்கா
அழகு நீ....!!

நீ
திரும்பி பார்த்தால்
அதிர்ஷ்டம்தான்..!!

நீ
திரும்பி பார்த்தால்
அதிர்ஷ்டமும்
திரும்பி பார்க்கும்
இவனை..!

தோளாகவே மாறிவிடு...!!

ஒரு நாள் மட்டுமாவது
உன்
நெஞ்சுக்குரியவனாக வேண்டும்...!

அந்நாள்
முத்தத்தில் விடிந்து
முத்தத்தில் முடிந்து போக வேண்டும்...!

தனிமை துரத்தி...
தோளில் சாய்ந்து
தோளாகவே மாறிவிடு...!

பகல் மறந்து...,
பசி மறந்து...,
பழையன மறந்து...
பருவ இலை விரித்து...
போதுமெனும் வரை பரிமாறு...!

இலை துடைத்து உண்பது
இவன் கடமை..!