"புது டைரியாக"
என்னை கொடுக்கிறேன்
உன்னிடம்...
கவிதை எழுது....
கணக்கு குறி..
முக்கிய நிகழ்வுகளை
பதிவு செய்...
ஆனால்
முடித்து மூடி மட்டும் விடாதே..!!
*************************
பெரும்பாலும்
நான் அனுப்பும் குறும்செய்திகளுக்கு..
நீ பதிலே அனுப்புவது இல்லை...
ஆனால்
பதிலே அனுப்பாத உனக்குத்தான்
பெரும்பாலும்
நான் அதிகம் குறும்செய்தி
அனுப்பி வருகிறேன்
பிரியமாய்...?!!
*************************
குளித்த தலைமுடியின் ஈரம்,
நடைபோடும்
உன் பின்புறத்தில் 'புள்ளி வைக்கிறது'...
இதை
கண்கொட்டாமல் பார்த்திருக்கும்
காளையர் நெஞ்செல்லாம் கோலம் போடுகிறது...!
